لك الله يا أزهر

دة بقى حوار طازة عملته جريدة المصرى اليوم مع الشيخ الصاعد بقوة الصاروخ الشيخ محمد سيد طنطاوى
الجريدة بتسأله عن حكم المرتد فى الاسلام قام الشيخ رادد وقايل ايه بقى ؟
قال المرتد قطيعة تقطعه هو وأبوه .. يعني هل حكم الاسلام فى المرتد ان قطيعه تقطعه هو وابوه ؟؟ يعني هل فيه حديث فى البخارى ومسلم عن ابي هريرة مثلا ان سيدنا النبي قال ان المرتد قطيعة تقطعه هو وأبوه ؟؟
وهل كان رأى كبار الصحابة فى عصر ابو بكر انهم يسيبوا المرتدين لحد ما ربنا يقطعهم هم وأباؤهم
وهل الدعاء على آباء المرتدين يجوز ؟؟
ثم يضيف فضيلة الامام بعبقرية ان الازهر مش هايعمل قناة اسلامية لانه متفرغ للدعوة .... يا عم الشيخ هو حد قال لك ان القناة دي هاتذيع كليبات نانسي عجرم ؟؟
بمثل هذه التصريحات والفتاوى أصبح طنطاوى شيخاً للأزهر ومن قبلها مفتى للجمهورية
بجد ... بجد ... لك الله يا أزهر