الموضوع بسيط

صلوا على النبى
زيدوا النبى كمان صلاة
الموضوع بسيط جدا ً يا جماعة وكله قانونى .... السيد رئيس الجمهورية وطبقا ً للصلاحيات الممنوحة ليه قرر إحالة بعض أعضاء التنظبم الممنوع اللى بيسموه جماعة الإخوان المسلمين إلى محاكمة عسكرية ... وفعلا ً حصل وبدأت المحاكمة العسكرية للناس دول
فل ؟؟؟ فل
لكن وبما إننا فى دولة ديمقراطية بيحكمها القانون جت محكمة القضاء الإدارى بمنتهى الشجاعة وحكمت ببطلان قرار الرئيس مبارك بإحالة الناس دول للمحاكمة العسكرية
فل ؟؟ فل
ولأننا برضه برضه فى دولة ديمقراطية وجهاز قضائى محترم مستقل جت المحكمة الإدارية العليا وأبطلت حكم محكمة القضاء الإدارى اللى أبطل قرار رئيس الجمهورية بتحويل الناس دول للمحاكمة العسكرية ؟؟

طب شفت التاتو على كتف البت بتاعت الواد أبو جل فى شعره اللى مبلط فى الديسكو ؟؟؟